TANO PANDARAMAN

hamoraon, hasangapon di tano hatubuan
dua hata namungkin hagiot niroha saleleng mangolu
tai attong pala parkacittan dohot parsuadaan na mar ile-ile, hasangapon na suada,
ido na akkan tarimoon ni badan boa dope baenon...

tangan nadung hampir manjadi laklak
pir ni bitis natartaonkon...
sira nadung burburon
pegepe malambang
natartaonkon arsak dot dut niroha
leng adong mada saotik giot niroha
pature hangoluan, hasangapon, hagabeon
bope jala tu tano pandaraman
tano naso martopi dot marujung

au peda nauboto
sanga adong nadapot, natarsiseon au
ditano pandaraman
tano naso mananda au, jala naso markoum

tano hatubuan totop solot doi dirohaon
tano mambaen hasonangan
tano nakkan mangubur badan
tano nakkan mamorgoi jasad

tinggal mada ho jolo
aupe nakkan huboto sadia leleng
jala tondinama nakkan huokkop
mangokkop hita tupudiniari

sai denggan jala torkis nian sasudena
jala hata doa nama natarpabahat
semoga nian jala martua hita sasudena

mulak dodau, pala dung dapot nian giot niroha
haru magisgis pe tangan
haru mamenekpe pamatang
di tano pandaraman

tai attong pala adong namuba namasa di au
sai buka nian tangan munu
harupe au inda satorkis najolo
harupe au inda bisa mangoban tondionbe
tondi nadung marsarak sian badan

onmada giot niroha
jala daope au sian hamu
mulak tuhatubuan do au
jala tangan munudo maroban au
tu tano marrobur

by : multama